Yoruba activist Sunday Adeyemo wey many peoples know as Sunday Igboho fit don enta gbege wit Nigerian authorities.
Dis na afta tori comot on 20 July say di Secret Police (DSS) arrest am for neighbouring kontri of Benin, afta dem declare am wanted.
To many pipo for southern Nigeria – especially Yorubas – Igboho na hero wey dey fight for dia dignity and protection.
But some oda People go disagree.
Make we torchlight di major tins wey don happun for Igboho life or wey happun because of am, since e come out to lead campaign in favour of di Yoruba tribe.